Jantuon ki Aas
Ghane janglon me basi hai ye chaya ,
Hai chaya ye kiski nahi jaan paya!
Na hai ye purani,kahani nai hai;
The vichran we karte,bemani nahi hai.
yahan ghumte the,wahan ghumte the;
the jhurmut idhar bhi,wahan bhi the jhurmut;
the vachal we,han,nahin jante the;
kahan hai manuj aur kahan hai nishana.
Han,maine tha dekha yahin ek tota;
Isi ped ki dal par tha jo sota.
Yahin thi wo maina,yahin ki thi raina;
Jahan aaj raton me paye tu chaina.
Inhi pathron k the kone me baithe,
Kahin sher gidar,kahin mor titar;
Suna tha han maine rudan un sabhi ka,
Nahin thour tha na thikana kisi ka.
Pashu pakshiyon ka,mela yahan tha;
Jo duba kahan hai,nahin jante hain,
Gaye wan wo sundar,gai sampda bhi-
Jahan dekhte hain ,rudan hi rudan hai.
Jo chaya thi dekhi,manuj ki thi chaya;
Manuj ne kiya tha ,wano ka safaya,
Gaye wan to sang sang gaye uske wasi,
Kisi ne na puccha ,kahan tumhri kashi.
*********--------------***********
Aaj jungle jad huye,aur jad huye wasi sabhi,
Hai bachi bas chavi unki,hai katha baki abhi;
Jaan lo pehchan lo tum hamari aas ko,
Van rahe ya na rahe,samjho vanon ki pyas ko-“in jantuon ki aas ko”………..
By Rakesh Tripathi
