Bhagya Patal

kali khili hai baag mein
maa chunkar laa do kuch tum
dar hai mere chune bhar se
bikhar na jaye vallari  /


Bachpan me logo ne mujhko
apsagun ka naam diya
anjaane me tune bhi maa
mujhpar tha aaghat kiya  /  


Chod gai tu mujhe sadak par
mai bilkul na chillaya
jaane kaun diwas tha us din
mai ro rokar muskaya    /  


Hua nikkama ,mai na bhula
hue jo mujh par vajraaghat
kali bhi na mai chunne paya
mili na mujhko teri chaya  /


Chaya tujhe kaha karta tha
man he man hansta karta tha
teri yaadein geet ban gai
jinko bhagya padha karta tha  /


chotta sa jeevan tha tera
mera jyada bada nahi
jad thi tu,mai bhi jad baitha
bhagya patal sa aada teercha..//